ოკუპირებულ აფხაზეთში საგანგებო მდგომარეობა გამოცხადდა. გადაწყვეტილების შესახებ ე.წ. პრეზიდენტის მოვალეობის შემსრულებელმა, ვალერი ბგანბამ განაცხადა.
ე.წ. პარლამენტმა საგანგებო მდგომარეობის გამოცხადებას მხარი უკვე დაუჭირა.
საგანგებო მდგომარეობის რეჟიმი 28 მარტს ღამის 00:00 საათიდან ამოქმედდება და 20 აპრილის ღამის 00:00 საათამდე გაგრძელდება.
შეგახსენებთ, შერიგებისა და სამოქალაქო თანასწორობის საკითხებში ყოფილმა სახელმწიფო მინისტრმა, პაატა ზაქარეიშვილმა დღეს “ტვ პირველთან” საუბრისას გააჟღერა ინფორმაცია, რომ თუ აფხაზეთში “კოვიდ-19”-ის შემთხვევა დაფიქსირდება, ინფიცირებულის მკურნალობა ოკუპირებული რეგიონის ტერიტორიაზე უნდა მოხდეს, როგორც ამას რუსეთისგან მიღებული შეტყობინება ითვალისწინებს.
ზაქარეიშვილის ინფორმაციით, მიმდინარეობს გუდაურთის საავადმყოფოს გათავისუფლება, საგანგებო რიჟიმში მუშაობს სოხუმის საავადმყოფოც.