“ქართული ოცნება იმდენი დეპუტატით იქნება წარმოდგენილი, რომ კოალიციის შექმნის საჭიროება და საფრთხე არ იქნება”

„ჩვენ არათუ 40 პროცენტს, არამედ 50 პროცენტსაც გადავცდებით, ამას ხალხის მხარდაჭერა უზრუნველყოფს და განაპირობებს. ამიტომ კოალიციაზე საუბარი საერთოდ არ იქნება რელევანტური. „ქართული ოცნების” გამარჯვება იმდენად მყარი იქნება, რომ დააკომპლექტებს არა მყიფე უმრავლესობას, არამედ მყარ უმრავლესობას და იმდენი დეპუტატით იქნება წარმოდგენილი, რომ კოალიციის შექმნის საჭიროება და საფრთხე არ იქნება“

მამუკა მდინარაძე – საპარლამენტო უმრავლესობის ერთ-ერთი ლიდერი

შეგახსენებთ, საარჩევნო სისტემაზე მმართველ გუნდსა და ოპოზიციას შორის შეთანხმება შედგა. საბოლოოდ, მმართველი გუნდი და ოპოზიცია 120/30-ზე მოდელზე, ერთპროცენტიან საარჩევნო და 40-პროცენტიან უმრავლესობის დასაკომპლექტებელ ბარიერზე შეთანხმდა.