„მივესალმები მიღწეულ შეთანხმებას. მინდა პირადად, როგორც საქართველოს პრეზიდენტმა, მადლობა გადავუხადო საერთაშორისო თანამეგობრობას და იმ ელჩებს, რომლებიც ჩვენს ქვეყანაში იმყოფებიან. მათ ძალიან დიდი როლი ითამაშეს, დიდი წვლილი მიუძღვით იმაში, რომ ეს შეთანხმება შედგა. ასევე, ყველა იმ პოლიტიკურ პარტიას, რომელიც მონაწილეობდა ამ დისკუსიაში. ეს არის საზოგადოების გამარჯვება, ქვეყნის გამარჯვება, ქვეყნის დემოკრატიისთვის კიდევ ერთი წინ გადადგმულო ნაბიჯი, რომელიც ყველასთვის არის სასიხარულო. ჩვენ უკან არ გადაგვიდგამს არც ერთი ნაბიჯი“
სალომე ზურაბიშვილი – საქართველოს პრეზიდენტი
შეგახსენებთ, საარჩევნო სისტემაზე მმართველ გუნდსა და ოპოზიციას შორის შეთანხმება შედგა. საბოლოოდ, მმართველი გუნდი და ოპოზიცია 120/30-ზე მოდელზე, ერთპროცენტიან საარჩევნო და 40-პროცენტიან უმრავლესობის დასაკომპლექტებელ ბარიერზე შეთანხმდა.