კორონავირუსის საფრთხის გამო, სამხრეთ ფლორიდის კათოლიკური ეკლესიები წესებს ცვლიან. მაიამის არქიეპარქიის მიერ გავრცელებული განცხადების თანახმად, დროებით შეწყდება ზიარებისთვის განკუთვნილი ჭურჭლის გამოყენება; დაცარიელდება ნაკურთხი წყლის რეზერვუარი ეკლესიის შესასვლელებში;
გარდა ამისა, მღვდელმსახურებმა ცერემონიის დაწყებამდე და დასრულების შემდეგ ხელები ანტიბაქტერიული საპნით უნდა დაიბანონ.
შეგახსენებთ, ბოლო მონაცემებით, მსოფლიოს მასშტაბით, კორონავირუსით ინფიცირების 92 000-მდე შემთხვევა ფიქსირდება. აშშ-ში 103 შემთხვევაა დაფიქსირებული, მათგან 6 შემთხვევა ლეტალურია.