„ძალიან სამწუხაროა, რომ საქართველოში კორონავირუსის ფაქტი დაფიქსირდა. როგორც საქართველო, ასევე თურქეთი ყველაფერს ვცდილობთ, რათა მივიღოთ გარკვეული ზომები საფრთხის პრევენციისთვის. რაც შეეხება საზღვრებს, როგორც საქართველოს, ასევე თურქეთში ძალიან დიდი კონტროლია ამ მხრივ შესაბამისი ორგანოების მხრიდან და ვიმედოვნებ, ვირუსის გავრცელების შანსი მინიმალურია“
ფატმა ჯერენ იაზგანი- საქართველოში თურქეთის სრულუფლებიანი ელჩი
შეგახსენებთ, რომ საქართველოში ახალი კორონავირუსის პირველი შემთხვევა გუშინ, 26 თებერვალს დაფიქსირდა. ინფიცირებული საქართველოს მოქალაქეა, რომელიც ქვეყანაში აზერბაიჯანის გავლით, ირანიდან ბრუნდებოდა.