aviabiletebi
ახალი ამბები მთავარი მსოფლიო

“ირანს არასდროს მოუგია ომი, მაგრამ არასდროს წაუგია მოლაპარაკებები” – დონალდ ტრამპი

aviabiletebi
ავიაბილეთები

“ირანს არასდროს მოუგია ომი, მაგრამ არასდროს წაუგია მოლაპარაკებები”, – წერს აშშ-ის პრეზიდენტი დონალდ ტრამპი სოციალურ ქსელ „ტვიტერში“ ირანელი გენერლის, ყასემ სოლეიმანის ლიკვიდაციასთან დაკავშირებით.

უფრო ადრე კი, სოლეიმანის მკვლელობის შემდეგ, ტრამპმა სოციალურ ქსელში აშშ-ის დროშის სურათი გამოაქვეყნა.

შეგახსენებთ, ერაყში ირანელი გენერლის ლიკვიდაციის შემდეგ, აშშ-ის თავდაცვის უწყებამ დაადასტურა, რომ ირანის არმიის რევოლუციის გუშაგთა კორპუსის სპეცდანაყოფის, „ქუდსის“ ძალების მეთაურის, ყასემ სოლეიმანის წინააღმდეგ ოპერაცია ჩაატარა.

აშშ-ის უპილოტო საფრენმა აპარატმა ირანელი გენერლის ავტომობილი ბაღდადის აეროპორტის ტერიტორიაზე დაბომბა.

აღსანიშნავია, რომ ირანელ გენერალზე თავდასხმა ბაღდადში, აშშ-ის საელჩოში დემონსტრანტების შეჭრის შემდეგ მოხდა. პენტაგონში ამტკიცებენ, რომ საელჩოზე თავდასხმის ბრძანება სწორედ გენერალმა, ყასემ სოლეიმანიმ გასცა.

ირანის სულიერი ლიდერი აცხადებს, რომ ვისაც გენერლის სისხლში ხელები აქვს გასვრილი, მკაცრი შურისძიება ელოდება.

იტვირთბა....