“ბ-ნო შალვა, თქვენ ხართ თაღლითი”, – ასე მიმართა “ერთიანი ნაციონალური მოძრაობის” წევრმა, სალომე სამადაშვილმა პარლამენტის იურიდიულ საკითხთა კომიტეტის სხდომაზე უზენაესი სასამართლოს მოსამართლეობის კანდიდატს, მოქმედ გენერალურ პროკურორს შალვა თადუმაძეს.
სამადაშვილის აღნიშნულ რეპლიკას გამოეხმაურა კომიტეტის თავმჯდომარე ანრი ოხანაშვილი, რომელმაც “ნაციონალური მოძრაობის” წევრს კორექტულობისკენ მოუწოდა.
პარლამენტში დეპუტატები დღეს უზენაესი სასამართლოს მოსამართლეობის რიგით მე-8 კანდიდატს უსმენს.