aviabiletebi
ახალი ამბები მთავარი საზოგადოება

“რუსეთის საკადასტრო დოკუმენტებში აიბღაზე მონაცემები შესულია 2002 და 2009 წლებში” – საგარეო უწყება

aviabiletebi
ავიაბილეთები

რუსეთის საკადასტრო დოკუმენტებში აიბღაზე მონაცემები შესულია 2002 და 2009 წლებში, მაშინდელმა ხელისუფლებამ კი, რეაგირება არ მოახდინა, – ამის შესახებ საქართველოს პირველ არხს საქართველოს საგარეო საქმეთა სამინისტროს პრესსამსახურში განუცხადეს.

„რუსეთის ფედერაციის საკადასტრო დოკუმენტებში სოფელ აიბღასთან დაკავშირებით მონაცემები შესულია პირველ ჯერზე 2002, შემდგომ კი 2009 წელს. სამწუხაროდ, მაშინდელი ხელისუფლების მხრიდან აღნიშნულ ფაქტს არ მოჰყვა არანაირი რეაგირება.

სამართლებრივ შეფასებას რაც შეეხება, ოკუპირებული გაგრის რაიონის სოფელი აიბღას ნაწილის რუსეთის მიერ თავის ტერიტორიად გაფორმება, ისევე, როგორც სხვა მსგავსი ნაბიჯები აფხაზეთსა და ცხინვალის რეგიონში/სამხრეთ ოსეთი წარმოადგენს საქართველოს რეგიონების ანექსიის პროცესისა და სხვა უკანონო მოქმედებების გაგრძელებას.

არსებობს საქართველოს საერთაშორისოდ აღიარებული საზღვრები და მათი უპატივცემულობა რუსეთის მიერ უხეშად არღვევს საერთაშორისო სამართლის პრინციპებს.

საქართველო-რუსეთის სახელმწიფო საზღვრის, მათ შორის აფხაზეთისა და ცხინვალის რეგიონის/სამხრეთ ოსეთი მონაკვეთების დელიმიტაცია-დემარკაციის პროცესი ოკუპაციის პირობებში ვერ განხორციელდება. აქედან გამომდინარე, რუსეთსა და საოკუპაციო რეჟიმს შორის გაფორმებული ნებისმიერ შეთანხმებას არანაირი იურიდიული ძალა არა აქვს“, – განაცხადეს საქართველოს საგარეო საქმეთა სამინისტროში.

შეგახსენებთ, დღეს ცნობილი გახდა, რომ რუსეთმა ოკუპირებული აფხაზეთის სოფელი აიბღა მიიერთა და საკადასტრო რეესტრში დაარეგისტრირა.

იტვირთბა....