fbpx
Sport ახალი ამბები მთავარი მსოფლიო საზოგადოება

ქართველმა მთამსვლელებმა ყარაყორუმის მთათა სისტემის მწვერვალი დალაშქრეს

არჩილ ბადრიაშვილი და გიორგი ტეფნაძე პირველი ქართველი მთამსვლელები არიან, რომლებმაც ყარაყორუმის მთათა სისტემის მწვერვალი, ნანგა პარბატი, დალაშქრეს.

პაკისტანში მდებარე მწვერვალის სიმაღლეც 8 126 მეტრია და ტექნიკურად რთული და თოვლიანი ფერდებით გამოირჩევა. დიდი ოდენობით მოსულმა თოვლმა მთაზე გადაადგილება კიდევ უფრო გაართულა. არსებული სირთულეების მიუხედავად, ექსპედიციამ და მათ შორის, ქართველმა მთასვლელებმა მწვერვალის დაპყრობა მაინც მოახერხეს.

ისინი სამშობლოში უკვე დაბრუნდნენ და პირველი კომენტარებიც გააკეთეს.

„ჩემთვის დიდი პატივია, რომ ვართ პირველი ქართველები, რომლებმაც ნანგა პარბატი დავლაშქრეთ. ეს სიმაღლით მსოფლიოში მეცხრე მწვერვალია, რომელიც ძალიან რთული დასაპყრობია. ექსპედიციაში მონაწილეობაში საქართველოს მთამსვლელთა გაერთიანებული ფედერაცია დაგვეხმარა და მათ მადლობა უნდა გადავუხადო“, – ამბობს ექსპედიციის წევრი გიორგი ტეფნაძე.

არჩილ ბადრიაშვილი – „საამაყოა, რომ პირველი ქართველები ვართ, ვინც ამ უდიდეს მთაზე ფეხი დავდგით. ნანგა პარბატზე ექსპედიციები ხშირად არ ტარდება და თოკების დაკიდება და ბილიკების თავიდან გაკვალვა დაგვჭირდა. ეს ექსპედიციაში ყველაზე რთული სამუშაოა, რომელსაც ქართველები ვასრულებდით. ამინდიც ხელსაყრელი არ იყო, მაგრამ ამ სირთულეების გადალახვა მწვერვალის დაპყრობის სიხარულს უფრო აძლიერებს“.

წყარო – საქართველოს პირველი არხი

სხვა ამბები

“მაჩალიკაშვილის საქმეზე მართლმსაჯულების განხორციელება იქნება მნიშვნელოვანი პოლიტიკური შედეგი”

newsadmin

“პასუხისმგებელი პირები გაურბიან იმ შეკითხვაზე პასუხს, თუ ვინ გასცა ბრძანება”

newsadmin

“თავის დროზე თადუმაძეს მივეცი ხმა”

newsadmin

„პატრონის“ და „ჩალიჩის “ გაერშე შუშის ჭერი კი არა ბეტონის დიდი ფილა გაქვს თავზე შეზრდილი” – პროკურორმა სალომე ადეიშვილმა საგამოძიებო უწყება დატოვა

newsadmin

“რუსთავი 2-ის” საქმე ბრწყინვალედ გამოიძია ქართულმა სასამართლომ”

newsadmin

პუტინი და ერდოღანი 10-პუნქტიან გეგმაზე შეთანხმდნენ

newsadmin
იტვირთბა....