საბერძნეთში ფერმერები სასოფლო-სამეურნეო დახმარების დაგვიანების გამო მეოთხე კვირაა, საპროტესტო აქციას მართავენ. მთელი ქვეყნის მასშტაბით ფერმერები სასოფლო-სამეურნეო დახმარების დაგვიანებას და სამეწარმეო ხარჯების ზრდას აპროტესტებენ.
დემონსტრანტები იყენებენ ტრაქტორებსა და სატვირთო მანქანებს ავტომაგისტრალებისა და სასაზღვრო-გამშვები პუნქტების გადასაკეტად.
ევროკავშირის სუბსიდიების გადახდის შეფერხება ქვეყანაში კორუფციული სკანდალის გამოძიებამ გამოიწვია. გამოძიების ფარგლებში დადგინდა, რომ ზოგიერთი ფერმერი სახელმწიფო მოხელეების დახმარებით მიწის საკუთრების უფლებას აყალბებდა. აუდიტის გამო შეყოვნდა შემდგომი დახმარების გამოყოფა.