fbpx
ახალი ამბები მთავარი საზოგადოება

აღმოაჩინე FAKE NEWS – კომუნიკაციების კომისია მოზარდებში კონკურსს აცხადებს

საქართველოს კომუნიკაციების ეროვნული კომისია და „მედიააკადემია“  განათლების სამინისტროსთან თანამშრომლობით, მოზარდებში მედიაწიგნიერების – კრიტიკული და ლოგიკური აზროვნების, ანალიზისა და ფაქტების გადამოწმების უნარების განვითარების მიზნით, 2019 წლის 16 მაისიდან 14 ივნისის ჩათვლით აცხადებს კონკურსს „ნამდვილი თუ მოგონილი?!“.

კონკურსის „ნამდვილი თუ მოგონილი?!“ ფარგლებში, მოსწავლეებმა უნდა აღმოაჩინონ ქართულ მედიასივრცეში (ინტერნეტი, ტელევიზია, ბეჭდური მედია და სხვა) გავრცელებული ყალბი ინფორმაცია – „Fake News“, რომელიც ეხება საქართველოში მომხდარ ამბავს და ჯერ არ ყოფილა დადასტურებული, როგორც ყალბი ახალი ამბავი, უნდა წარმოაჩინონ აღმოჩენის გზა, შესაბამისი წყარო და პარალელურად, დაადგინონ რეალური ფაქტები, ამბავი. დავალების წარმოსადგენად კი, მოსწავლეებს  შეუძლიათ თავად შეარჩიონ ფორმატი – ვიდეო ან მულტიმედია ნამუშევარი, პრეზენტაცია ან სხვა ალტერნატიული კრეატიული ფორმა.

„ნამდვილი თუ მოგონილის“ გამარჯვებულებს სპეციალურად კონკურსისთვის შექმნილი ჟიურის წევრები გამოავლენენ და მათ შთამბეჭდავ პრიზებს გადასცემენ.

I ადგილზე გასული მოსწავლე პრიზის სახით MacBook Pro-ს, II ადგილზე – iPhone XS, ხოლო III ადგილზე – iPad Pro + Apple Pencil-ს მიიღებს.

მე-10 და მე-11 კლასების მოსწავლეებმა საკუთარი ნამუშევრები  2019 წლის 16 მაისიდან 14 ივნისის ჩათვლით  უნდა წარმოადგინონ შემდეგ ბმულზე – http://tiny.cc/oggb6y

დავალების შესრულებისთვის დეტალურ და სასარგებლო ინფორმაციას ისინი კონკურსის გვერდზე ფეისბუქზე: ნამდვილი თუ მოგონილი  – fb.com/namdvilitumogonili და კომისიის ვებ-გვერდზე www.gncc.ge შეძლებენ.

კონკურსში მონაწილეობის მიღება  მე-10 და მე-11 კლასების ყველა მოსწავლეს შეუძლია.

მოზარდებში მედიაწიგნიერების განვითარების მიზნით კომუნიკაციების ეროვნული კომისია 2019 წლის განმავლობაში 5 მნიშვნელოვან პროექტს განახორციელებს.

სხვა ამბები

ზონალურ-საათობრივი პარკირების სისტემა ორბელიანის მოედანსა და მის მიმდებარე ტერიტორიაზე ამოქმედდება

newsadmin

დოლიძე – არ გამოვა აქტიური და ენერგიული ხალხის მიყუჩება

newsadmin

“გუგუტიანთკარში ბორდერიზაციის პროცესი საქართველოს ტერიტორიული მთლიანობის აშკარა დარღვევაა” – ლატვიის საგარეო საქმეთა მინისტრი

newsadmin

ჩემი უპირობო სოლიდარობა რუსთავი 2-ის გუნდს – ნაცვლიშვილი

newsadmin

ბახტაძე და თალაკვაძე გუგუტიანთკარში ღამით, ჟურნალისტების გარეშე ჩავიდნენ

newsadmin

ლაურა ღაჭავას მიმართ სისხლის სამართლებრივი დევნა დაიწყო

newsadmin
იტვირთბა....