საქართველოს სახელმწიფო უსაფრთხოების სამსახურში პანკისის სპეცოპერაციის შედეგად გარდაცვლილი თემირლან მაჩალიკაშვილის მამა მალხაზ მაჩალიკაშვილი დღეს 15:00 საათზე დაკითხვაზეა დაბარებული.
მაჩალიკაშვილი უწყებაში ადვოკატებთან კომუნიკაციის შედეგად დაიბარეს.
ცნობილია, ამ დროისთვის დაკითხვაზე იმყოფება მაჩალიკაშვილის ახლობელი ასლან მარგოშვილი. მისი დაკითხვა ტერაქტის მომზადების საქმეზე მიმდინარე გამოძიების ფარგლებში მიმდინარეობს.
მალხაზ მაჩალიკაშვილმა სუს-ის მიერ გამოქვეყნებული აუდიოჩანაწერის შესახებ საუბრისას განაცხადა: „სუს-ში დაკითხვაზე მივიდოდი, რომ მცოდნოდა, უწყება ტერაქტის მომზადებაში მადანაშაულებდა“.