aviabiletebi
ახალი ამბები მთავარი პოლიტიკა

მდინარაძე – ვალდებულები ვართ, სახალხო დამცველს მოვუსმინოთ

aviabiletebi
ავიაბილეთები

როდესაც სახალხო დამცველი მოითხოვს, რომ პარლამენტის წინაშე მოხსენებით წარდგეს, მისი მოთხოვნა უნდა დაკმაყოფილდეს, – ამის შესახებ საპარლამენტო ფრაქცია „ქართული ოცნების“ თავმჯდომარე მამუკა მდინარაძემ სახალხო დამცველის, ნინო ლომჯარიას მიმართვასთან დაკავშირებით განაცხადა.

„ეს პროცედურული ნაწილია და ჩვენ განსხვავებული პოზიცია ვერ გვექნება. ერთადერთი შეიძლება რეგლამენტი განვმარტოთ, რომ სამი დღის ვადაში ეს ვერ მოხდება. როდესაც სახალხო დამცველი მოითხოვს, რომ პარლამენტის წინაშე მოხსენებით წარსდგეს, მისი მოთხოვნა უნდა დაკმაყოფილდეს. ეს არის ნორმა, რომელიც კონსტიტუციაში და კანონმდებლობაში გვიწერია. შესაბამისად, ჩვენ მას მოვუსმენთ. ამ სამდღიანი პროცედურის გათვალისწინებით, ჩვენ შეიძლება მოგვიწიოს ხუთშაბათის ნაცვლად „საერთო სასამართლოების შესახებ” კანონპროექტის განხილვის ოთხშაბათს დაწყება და მისი მოსმენა დღის წესრიგში ხუთშაბათს ჩავსვათ. ერთადერთი შეიძლება ეს ცვლილება გამოიწვიოს. ოღონდ სახალხო დამცველს ნუ დავაბრალებთ, რომ ჩვენი თამაში ითამაშა და მოვლენები ერთი დღით მან დააჩქარა იმიტომ, რომ აქ ერთ დღეზე, ორ დღეზე და ორ კვირაზე ისეთი ამბები ტყდება, წარმოუდგენელიც კი შეიძლება ყოფილიყო ვინმესთვის, მაგრამ ეს რეალობაა”, – განაცხადა მდინარაძემ.

შეგახსენებთ, რომ ომბუდსმენის აპარატის ინფორმაციით, სახალხო დამცველმა, ნონო ლომჯარიამ გადაწყვიტა, პარლამენტს მოხსენებით მიმართოს.

საქმე ეხება უზენაესი სასამართლოს მოსამართლეთა არჩევის პროცედურებთან დაკავშირებულ კანონპროექტსა და მასში არსებულ ხარვეზებს.

იტვირთბა....