ახალი ამბები ბლიც-ინტერვიუ მთავარი საზოგადოება

საპატრიარქო, ღამის კლუბები, კალაძე, მარიხუანა, – ბლიც-ინტერვიუ ალეკო ელისაშვილთან

“მეტრონომმა” თბილისის მერობის ყოფილ კანდიდატთან ალეკო ელისაშვილთან ბლიც-ინტერვიუ ჩაწერა…

მეტრონომი: ქვეყანაში რას აკრძალავდით?

ალეკო ელისაშვილი: ძალიან ბევრ რამეს ავკრძალავდი, ასე კონკრეტულად მიჭირს თქმა.

მეტრონომი: ღამის კლუბებში თუ დადიხართ და კონკრეტულად რომელში?

ელისაშვილი: არა, არ დავდივარ, ხმაური არ მიყვარს. თუმცა, ნორმალურად მიმაჩნია, რომ ხალხი მანდ დადის. ჩემი მეგობრებიც დადიან და ჩემი ასაკის ხალხიც. უბრალოდ, მე არ მიყვარს.

მეტრონომი: მარიხუანას დეკრიმინალიზაციაზე რას ფიქრობთ და თავად თუ გაგისინჯავთ?

ელისაშვილი: გამისინჯავს, ახლა არ ვსინჯავ. დეკრიმინალიზაციისა და ზოგადად, ლიბერალიზაციის  მომხრე ვარ.

მეტრონომი: კალაძე თუ ნარმანია? დაგვიხასიათეთ ორივე თითო-თითო სიტყვით.

ელისაშვილი: კალაძე არის “მატრაკვეცა” და ნარმანია – მუქთახორა.

მეტრონომი: რომელ პოლიტიკოსთან ითანამშრომლებდით?

ელისაშვილი: ძალიან დიდ პატივს ვცემ “თავისუფალი დემოკრატების” წევრს, ნინო გოგუაძეს.

მეტრონომი: რა არის თბილისის ყველაზე დიდი პრობლემა?

ელისაშვილი: შხამიანი ჰაერი, რომელიც სინამდვილეში მომაკვდინებელია.

მეტრონომი: ვინ არის დღეს ყველაზე ლამაზი ქართველი ქალი პოლიტიკოსი?

ელისაშვილი: არც ვიცი ვინმე თუ არის ლამაზი ქალი ქართულ პოლიტიკაში.

მეტრონომი: მარგველაშვილი თქვენში რა ასოციაციას იწვევს?

ელისაშვილი: მიჭირს თქმა.

მეტრონომი: უნდა ვუხდიდეთ თუ არა საპატრიარქოს 25 მილიონს ბიუჯეტიდან?

ელისაშვილი: ჩემი აზრით, თანხას უნდა ვუხდიდეთ, 25-ს თუ მეტს თუ ნაკლებს სხვა ამბავია. ჩემი გადასაწყვეტი რომ იყოს, აუდიტის სამსახური ყოველ თეთრს უნდა აკონტროლებდეს. როგორც სხვა სახელმწიფო სტრუქტურებს აკონტროლებს.

მეტრონომი: საკრებულოში არსებული სიტუაცია ერთი წინადადებით გვითხარით..

ელისაშვილი: არაფრის კეთების დაწესებულებაა საკრებულო. რეალობას აცდენილია.

მეტრონომი: გვჭირდება თუ არა საზმაუ?

ელისაშვილი: გვჭირდება, ოღონდ პოლიტიკური გავლენისგან თავისუფალი უნდა იყოს და გაცილებით ნაკლები უნდა გადავუხადოთ.

მეტრონომი: მსოფლიო ჩემპიონატზე ვის გულშემატკივრობთ?

ელისაშვილი: არავის. ჩემთვის სპორტი საინტერესოა, როდესაც ქართველი მონაწილეობს. აგერ სუმოს ლამის სპეციალისტი გავხდი ჩვენი ლევან გორგაძის ხათრით. ფეხბურთში როდესაც ჩვენები არ არიან, არაფერი მაინტერესებს.

მეტრონომი: ივანიშვილი თუ სააკაშვილი?

ელისაშვილი: არც ერთი.

მეტრონომი: 17 მაისი რასთან ასოცირდება თქვენთვის?

ელისაშვილი: 17 მაისი 17 მაისთან ასოცირდება.

მეტრონომი: ანა სუბელიანის 9 აპრილის მემორიალზე ცეკვას როგორ შეაფასებდით?

ელისაშვილი: ვერც ტრაგიკულს ვხედავ მაგაში რამეს და მთლად მოსაწონიც არ იყო. შეგნებულად იმ ადამიანს მსგავსი არ გაუკეთებია და თავის დამოკიდებულების გამოხატვა უნდოდა. ფეხქვეშ გაეთელა 9 აპრილის მემორიალი და ასეთი რამ არ ქონდა აზრად.

მეტრონომი: რა მუსიკას უსმენთ?

ელისაშვილი: ქართულ რაღაცებს ვუსმენ. აი, ახლა იმ გოგოზე ვარ გადარეული, სოფო ბათილაშვილზე, ძალიან მაგარი გოგოა.

მეტრონომი: ვის ისურვებდით პრეზიდენტად?

ელისაშვილი: არავითარ შემთხვევაში “ნაციონალური მოძრაობის”და არავითარ შემთხვევაში “ქართული ოცნების” კანდიდატს.

 

 

სხვა ამბები

პროკურორი: “მალხაზ ბექაურს სასამართლომ უვადო პატიმრობა უნდა განუსაზღვროს”

newsadmin

ხელისუფლებას სოც. სამსახურის მნიშვნელობა არ ესმის – დოლიძე სოც. მუშაკებს სოლიდარობას უცხადებს (ვიდეო)

newsadmin

სმიტების ოჯახის მკვლელობაში ბრალდებულს მსაჯულებმა გამამტყუნებელი ვერდიქტი გამოუტანეს

newsadmin

უგულავა სააკაშვილს – გამიხარდება თუ კარგად იქნები და მკვდართან შეჯიბრი არ მომიწევს

newsadmin

სააკაშვილი უგულავას – მკვდარი უფრო კარგ ფორმაში ვიქნები, ვიდრე შენ შემდეგი 100 წელი

newsadmin

ვაკის რაიონში, ხუთი საბავშვო ბაღის ეზოში საგზაო ინფრასტრუქტურა მოწესრიგდა

newsadmin
იტვირთბა....