სამართალდამცველებმა ვარკეთილის სპეცოპერაციისას საქართველოს ერთი და აზერბაიჯანის ერთი მოქალაქე დააკავეს. მათ მოქალაქეები კალაუბნის ქუჩაზე, ერთ-ერთ კომერციულ დაწესებულებაში აიყვანეს.
დაკავების ოპერაციას ესწრებოდა ბრალდებული პირების ადვოკატი, თუმცა მას ჟურნალისტებთან კომენტარი არ გაუკეთებია.
შინაგან საქმეთა სამინისტროს განცხადებით, დაკავებულ პირებს ბრალად თანხის გამოძალვა ედებათ. როგორც ცნობილია, ბრალდებულები ერთ-ერთ ბიზნესმენს მუქარით თანხას სძალავდნენ.
სპეცოპერაციის ადგილი სამართალდამცველებმა უკვე დატოვეს. დაწესებულების თანამშრომლების თქმით, დაკავებული პირები მომხმარებლები იყვნენ და მათ შესახებ ინფორმაციას არ ფლობენ.
სპეცოპერაციასთან დაკავშირებით დამატებითი დეტალები მოგვიანებით იქნება ცნობილი.