ქობულეთის შემოვლით გზაზე, ავტოსაგზაო შემთხვევის შედეგად ორი ადამიანი გარდაიცვალა, 3 კი დაშავდა.
როგორც თვითმხილველები ყვებიან, დაშავებულებს შორის მცირეწლოვანი ბავშვები არიან, რომლებიც მრავლობითი დაჟეჟილობებით ბათუმის დედათა და ბავშვთა სამედიცინო ცენტრში არიან მოთავსებული.
ერთი დაშავებულის ჯანმრთელობის მდგომარეობა მძიმეა, ის ბათუმის რეფერალურ საავადმყოფოშია მოთავსებული.
როგორც შსს-ში „მეტრონომს“ განუცხადეს, გამოძიება საქართველოს სისხლის სამართლის კოდექსის 276-ე მუხლის მეშვიდე ნაწილით მიმდინრეობს, რაც ტრანსპორტის მოძრაობის ან ექსპლუატაციის წესის დარღვევით ერთი ან მეტი ადამიანის სიცოცხლის მოსპობას გულისხმობს.
