გენერალური აუდიტორის ლაშა თორდიას დაკითხვის შეწყვეტის შემდეგ პროკურორი ზაზა დათუაშვილი პირველ კომენტარს აკეთებს. მისი თქმით გამოძიებამ მიიღო თორდიასგან ინფორმაცია თავდასხმის შესახებ, თუმცა პროკურორს გამოძიების ინტერესებიდან გამომდინარე დეტალები არ დაუკონკრეტებია.
ზაზა დათუაშვილი ასევე არ საუბრობს იმის შესახებ მოხდა თუ არა ოთარ ფარცხალაძის დაკითხვა, რომელსაც ლაშა თორდია მასზე განხორციელებულ თავდასხმაში ადანაშაულებს. გამოძიება ასევე არ აკონკრეტებს დევს თუ არა საქმეში იმ სათვალთვალო კამერების ჩანაწერები, რომლებიც შარდენზე, შემთხვევის ადგილის მიმდებარე ტერიტორიაზეა განთავსებული.
ამ დრომდე უცნობი რჩება გადაკვალიფიცირდება თუ არა საქმე და შეიცვლება თუ არა სისხლის სამართლის კოდექსის 126-ე მუხლი სხვა მუხლით. გამომძიებელმა ამ შეკითხვაზე პასუხსაც თავი აარიდა.
შეგახსენებთ, რომ გენერალურ აუდიტორს გამომძიებელი დღეს დაახლოებით 4 საათის განმავლობაში კითხვადა.