ტელეკომპანია „რუსთავი 2“-ის ეთერში თოქ-შოუ „პროფილი“ ბრუნდება. ამის შესახებ ინფორმაცია შოუს ოფიციალურ გვერდზე გავრცელდა. გადაცემის პროდიუსერი, ნიკა ხაჩიძე გავრცელებულ ინფორმაციას ადასტურებს. მისი განცხადებით, თოქ-შოუ ეთერში მომდევნო ხუთშაბათს გავა.
„პროფილის“ წამყვანი, კვლავ მაია ასათიანი იქნება. გადაცემა “რუსთავი 2”-ის ეთერში ტრადიციულ დროს, ხუთშაბათს 22:00 საათზე გავა.
მაია ასათიანის საავტორო გადაცემის ჩაწერა დღეს შედგა. გადაცემის ანონსი “რუსთავი 2”-ის ვებ გვერდზე ხვალიდან განთავსდება.
ამ ინფორმაციას ჟურნალისტის გულშემატკივრები სოციალურ ქსელში ეხმაურებიან და ასათიანის გადაწყვეტილებას დადებითად აფასებენ.