საზოგადოება

“ის, რომ ივანიშვილი ძალიან ბევრს ეხმარება ფინანსურად, სულ არაა კარგი საქმე სინამდვილეში”

საზოგადოებრივი კომუნიკაციების მართვის სპეციალისტი, არჩილ გამზარდია სოციალურ ქსელში წერს:

“ის, რომ ივანიშვილი ძალიან ბევრს ეხმარება ფინანსურად, სულ არაა კარგი საქმე სინამდვილეში.

პირველი იმიტომ, რომ საერთო ჯამში არც არავინ დაუფასებს და მხოლოდ უხერხულობის დროს იმჩნევენ ხოლმე, უმადლიერო საქმეა.

მეორე იმიტომ, რომ ამგვარი დახმარებები მხოლოდ იმას ამტკიცებს, რა უსარგებლო და სოციალურად უსამართლოა სახელმწიფო, ხოლო ხელისუფლება საზოგადოების ნაწილის მიმართ მაინც, სხვისი ხელით ძვრება და პასუხისმგებლობას გაურბის. ნებისმიერი მინისტრი სხვისი ხელით გაღებულ დახმარებებს კი არ უნდა უთვლიდეს პირებს, არამედ დარგობრივად რა სისტემა შექმნა და რამდენად დაცულია სახელმწიფოს თუ ადამიანის ინტერესები ამ სისტემაში.

მესამე იმიტომ, რომ ამგვარი დახმარებები, დამხმარებლის მიმართ დამოკიდებულს ქმნის ადამიანს და ეს კრიტიკულ აზროვნებას ძალიან უშლის ხელს, მითუმეტეს, როცა ე.წ. საზოგადოებრივი პირები იგულისხმებიან, ინტელექტუალური ნაწილი, აზრთა ლიდერები, კოლორიტები და ა.შ.

მეოთხე კიდევ იმიტომ, რომ ასეთი დახმარება-გარიგებებით არც დარგები იქმნება, არც საზოგადოება იქმნება და ყველაზე მთავარი, სამწუხაროდ, არც სახელმწიფო იქმნება, იქმნება მხოლოდ კონფორმისტების გავლენიანი ჯგუფები, რომლებიც დავალებულობის გამო სიჩუმის ზონაში გადადიან და ამით უფრო მტრობენ სახელმწიფოს და ხალხს”- წერს გამზარდია.

ავიაბილეთები იაფად
იტვირთბა....

სხვა ამბები

ყიფშიძე სააკაშვილზე: ისე ვგიჟდებოდით საბჭოთა კავშირზე, რომ ჩაგვრეცხა?

ყიფშიძე სააკაშვილზე: ერთი გიჟი როგორ ვერ გამოჩნდა, კენედი “დაბრიდეს”… ვერავინ გადადგა ეს ნაბიჯი

წულუკიანი: სააკაშვილი არცერთ ოპოზიციონერს არ სჭირდება

წულუკიანი ლომჯარიაზე: მუდამ დაბნეულად გამოიყურება, რაც დაინიშნა და დიდად ციხის სისტემასა და პატიმრების საკითხს ვერ გაუგო

კობახიძე სააკაშვილზე: რომელი ნესტან-დარეჯანია, ციხიდან რომ ვინმემ გამოიხსნას

კვესიტაძე: სააკაშვილს რომ რამე დაემართოს, იმ დღეს დაიწერება ისტორია, რომელიც მას ამ ქვეყნის გმირად აქცევს

giorgi chafidze