იტალიელმა კარაბინერებმა მაფიოზური კლანი ლიდერი, პელე ვოტარი დააკავეს, რომელიც მსოფლიოში ერთ-ერთი ყველაზე ძლიერი კრიმინალური ორგანიზაცია Ndrangheta-ის წარმომადგენელია,-ინფორმაციას ადგილობრივი გამოცემა 24 Lac ავრცელებს.
44 წლის მაფიოზი ევროპაში ყველაზე საშიში დამნაშავეების სიაში იყო რეგისტრირებული და „ევროპოლის“ მიერ იძებნებოდა. იგი სამართალდამცავებს 10 წლის განმავლობაში ემალებოდა.
მას მკვლელობების მცდელობისთვის, მძიმე დაზიანებისთვის და კრიმინალურ ორგანიზაციაში მონაწილეობისთვის 30 წლით თავისუფლების აღკეთა ემუქრება. მაფიოზს დაკავებისას პოლიციისთვის წინააღმდეგობა არ გაუწევია. გამოცემამ მისი დაკავების ამსახველი 20-წამიანი ვიდეოკლიპი გაავრცელა.