მეტროსადგურებში „ახმეტელის თეატრი“ და „სარაჯიშვილი“ მგზავრთა გადაყვანა დროებით შეჩერებულია. „თბილისის სატრანსპორტო კომპანიაში“ „მეტრონომს“ განუცხადეს, რომ აღნიშნულის მიზეზი ტექნიკური ხარვეზია.
თუმცა რა სახის ხარვეზეა საუბარი, კომპანიაში არ აკონკრეტებენ. „ახმეტელისა“ და „სარაჯიშვილის“ სადგურებზე მოძრაობის აღდგენის მიზნით ადგილზე უკვე იმყოფება ტექნიკოსთა ჯგუფი.
კომპანიაში ასევე ვერ აკონკრეტებენ, თუ როდის აღდგება აღნიშნულ მეტროსადგურებში მგზავრთა გადაყვანა. მეტროპოლიტენი მგზავრთა გადაყვანას მეტროსადგურ „ვარკეთილიდან“ „გურამიშვილამდე“ და პირიქით, ახორციელებს.