ქუთაისში, ნიკეას ქუჩაზე ავტოსაგზაო შემთხვევა მოხდა. ერთმანეთს მიკროავტობუსი და მსუბუქი ავტომობილი შეეჯახა. შემთხვევა დღეს დილით მოხდა. შეჯახების შედეგად მიკროავტობუსი ამოტრიალდა.
ავტოსაგზაო შემთხვევას მსხვერპლი არ მოჰყოლია. დაშავებულია ერთი ადამიანი, რომელიც სასწრაფო დახმარების მანქანით გადაიყვანეს.
ადგილზე საპატრულო პოლიცია მუშაობს. შინაგან საქმეთა სამინისტროს ინფორმაციით, მიმდინარეობს საგამოძიებო სამუშაოები.