მუსლიმთა კავშირის ხელმძღვანელი ტარიელ ნაკაიძე აცხადებს, რომ კახი კალაძეს აჭარელი მოსახლეობისთვის ბოდიში აქვს მოსახდელი. “ვფიქრობ, რომ ბატონმა კალაძემ ბოდიში უნდა მოუხადოს აჭარელ მოსახლეობას იმიტომ, რომ ეს იყო შეურაცხყოფა,“ – განაცხადა ტარიელ ნაკაიძემ.
იგივე განცხადება გააკეთა რესპუბლიკური პარტიის ლიდერმა დავით ბერძენიშვილმა გადაცემა “არჩევანში”.
შეგახსენებთ, ვიცე-პრემიერმა კახი კალაძემ აჭარაში მიმდინარე მოვლენების შეფასებისას ეთნიკური დაპირისპირების მცდელობა ახსენა, რამაც აჭარის მოსახლეობის განაწყენება გამოიწვია.