შპს ”ყაზტრანს გაზი” საქართველოს ენერგეტიკის მარეგულირებელ კომპანიას ტარიფის გადახედვის მოთხოვნით მიმდინარე კვირას მიმართავს. კომპანიის სპეციალურ მმართველს უჭირს იმის დაკონკრეტება, გაიზრდება თუ არა ტარიფები მომხმარებლებისთვის. გაზრდა-არგაზრდის საკითხზე უკკვე მარეგულირებელმა კომპანიამ უნდა გადაწყვიტოს.
”რაც შეეხება გაზის ტარიფს, დღევანდელი რეგულაციით უკვე კომპანიებმა ყოველ წელს უნდა წარადგინონ მოთხოვნა გაზის ტარიფთან დაკავშირებით, რაც შეეხება გაზრდა-არგაზრდას, ეს უკვე მარეგულირებელზეა დამოკიდებული. ტარიფი დამოკიდებულია ნასყიდობზე, დოლარის კურსზე, აბონენტთა რაოდენობაზე და ა.შ. ამიტომ ზუსტად თქმა, რომ შეიძლება ტარიფი გაიზარდოს, შემცირდეს ან იგივე დარჩეს, შეუძლებელია. ჩვენ კომისიას ამ კვირაში მივმართავთ”, – აღნიშნა კომპანიის სპეციალურმა მმართველმა მამუკა კობახიძემ.