საქართველოს პრეზიდენტმა, გიორგი მარგველაშვილმა დღეს ბერლინის კლინიკიდან დაბრუნებული საქართველოს კათოლიკოს-პატრიარქი, უწმინდესი და უნეტარესი ილია მეორე საპატრიარქოში მოინახულა.
საქართველოს პრეზიდენტმა პრეზიდენტის ადმინისტრაციის უფროსთან, გიორგი აბაშიშვილთან და ფიქრია ჩიხრაძესთან ერთად, საქართველოს პატრიარქს სამშობლოში დაბრუნება მიულოცა და სრულად გამოჯანმრთელება უსურვა.