საფრანგეთის ჩრდილოეთ-დასავლეთში „ფლამანვილის“ ატომურ ელექტროსადგურზე აფეთქება მოხდა, – ამის შესახებ ფრანგული მედია, კერძოდ ouest-france იუწყება.
გავრცელებული ინფორმაციით, აფეთქება სამანქანო განყოფილებაში მოხდა. პრეფექტურაში განაცხადეს, რომ მომხდარის შედეგად ხუთი ადამიანი მსუბუქად მოიწამლა.
შემთხვევის ადგილზე მეხანძრეები, მაშველები და სასწაფო დახმარების სამსახურია მობილიზებული. წინასწარი ინფორმაციით, ავარიის მიზეზად მოკლე ჩართვა სახელდება. მათი ინფორმაციით, რადიოაქტიური ნივთიერებების გაჟონვის საფრთხე არ არსებობს.