განათლების მინისტრი, ალექსანდრე ჯეჯელავა განათლების სამინისტროში, ჟურნალისტებს შეხვდა, სადაც საუბარი ფიზკულტურის მასწავლებლების გადამზადებასაც შეეხო. მისი განმარტებით, იგეგმება თანამშრომლობა ოთხ ფედერაციასთან: რაგბის, ფეხბურთის, ხელბურთის და ფრენბურთის ფედერაციებთან. როგორც მინისტრმა განაცხადა, მე- 7, მე-8 კლასებში კიდევ 2 საათი დაემატება, რომელიც ჯანსაღ ცხოვრებას მიეძღვნება. მისივე თქმით, სხვადასხვა კვლევის თანახმად, ამჟამად, საქართველოში მოსწავლეების 2-7% არის ჩართული რეგულარულ ფიზიკურ აქტივობაში.
“მსუქანი და ნელა მორბენალი ბავშვების ფიზიკურ აქტივობაში ჩართვაზეა საუბარი,”- განაცხადა ჯეჯელავამ.