უკრაინის პრეზიდენტმა, პეტრო პოროშენკომ და აშშ-ს პრეზიდენტმა, დონალდ ტრამპმა ტელეფონით ისაუბრეს. უკრაინის პრეზიდენტის პრესსამსახურის ინფორმაციით, მხარეებმა დონბასში არსებული ვითარება განიხილეს და ავდეევკაში ცეცხლის შეწყვეტის რეჟიმის შესაძლო ამოქმედებაზე ისაუბრეს.
თეთრი სახლის პრესსამსახურის ინფორმაციით კი, დონბასის თემაზე საუბრისას ტრამპმა განაცხადა, რომ უკრაინასა და რუსეთს, ასევე სხვა დაინტერესებულ მხარეს შორის დიალოგი უნდა განახლდეს, რათა საზღვრის გასწვრივ სამშვიდობო რეჟიმი ამოქმედდეს.