ბათუმის შაჰინის სახელობის თურქულ სკოლა-ლიცეუმს ავტორიზაცია შეუჩერდა, რასაც მოსწავლეთა მშობლები და პედაგოგები აპროტესტებენ. ინფორმაცია მედიასა და საზოგადოებას სკოლა-ლიცეუმი შაჰინის ადმინისტრაციამ ბრიფინგზე გააცნო. სკოლის პედაგოგები და მოსწავლეების მშობლები სასწავლებლის შესანარჩუნებლად სამართლებრივი დავის წამოწყებას გეგმავენ.
განათლების ხარისხის განვითარების ეროვნულ ცენტრის განცხადებით, თურქულ სკოლა ლიცეუმს ავტორიზაცია გეგმური მონიტორინგის დროს ბავშვების ჩარიცხვასთან დაკავშირებით არსებული დარღვევების გამო შეუჩერდა.