თვითმხილველთა ინფორმაციით, ხელვაჩაურის რაიონის სოფელ ზედა სამებაში დიდთოვლობის გამო საცხოვრებელი სახლი ჩამოინგრა. შემთხვევას 44 წლის მამაკაცის სიცოცხლე ემსხვერპლა. მამაკაცი, რომლიც იმ დროისთვის სახლში მარტო იმყოფებოდა, ადგილზე გარდაიცვალა.
ტელეკომპანია “რუსთავი 2-ის” ცნობით, შემთხვევა ღამის პირველ საათზე მოხდა. გარდაცვლილ მამაკაცს ცოლი და ერთი შვილი ჰყავს, რომლებიც უბედური შემთხვევის დროს ბათუმში იმყოფებოდნენ.
როგორც “მეტრონომს” შსს-ში განუცხადეს, მომხდარზე გამოძიება 116-ე მუხლით აღიძრა, რაც გაუფრთხილებლობით სიცოცხლის მოსპობას გულისხმობს.