“გარკვეული პერიოდია ვცდილობ პარლამენტის თავმჯდომარესთან დაკავშირებას. ვეკონტაქტე მის თანაშემწესაც და პირადად მას არაერთხელ დავურეკე, თუმცა – უშედეგოდ“. -ამის შესახებ „ახალი საქართველოს“ ლიდერმა, გიორგი ვაშაძემ ტელეკომპანია „მაესტროს“ ეთერში განაცხადა. მისი თქმით, პარლამენტმა შექმნა სახელმწიფო საკონსტიტუციო კომისია, შემადგენლობა კი ისე გაიწერა, რომ ოპოზიციური პარტია -“ახალი საქართველო” რომელიც არის კვალიფიციური სუბიექტი ამ ჩამონათვალში ვერ მოხვდა:
„პარლამენტის თავმჯდომარე გვემალება, არ გვეკონტაქტება. ვფიქრობ რომ არ უნდა ეშინოდეთ ჩვენი ამ კომისიაში შეშვების. გვაქვს ბევრი საინტერესო იდეა ქვეყნის განვითარების და მზად ვართ გავუზიაროთ მათ ჩვენი ხედვები.” – განაცხადა ვაშაძემ.