საჯარო სკოლის პედაგოგებს, რომლებსაც საგნობრივი გამოცდა ჩაბარებული აქვთ, განათლების მინისტრის ბრძანების შესაბამისად, გაზრდილ ხელფასს 20 იანვრიდან აიღებენ.
ესენი იქნებიან, უფროსი კატეგორიის მასწავლებლები, ანუ ისინი, ვინც საგნობრივი გამოცდა ზაფხულში ან უფრო ადრე ჩააბარა.
2017 წლიდან გარკვეული კატეგორიის მასწავლებელთა ხელფასების ზრდის შესახებ ბრძანება საქართველოს განათლებისა და მეცნიერების მინისტრმა ალექსანდრე ჯეჯელავამ, 2016 წლის 30 დეკემბერს გამოსცა. (ბრძანება №181/ნ).
