მას მერე, რაც ნიკა მელია მიეკედლა მეორე გუნდს, ვითარება და ურთიერთობები უკიდურესად დაეძაბა ამ ორ ჯგუფს – ამის შესახებ „ნაციონალური მოძრაობის“ წევრმა ირმა ნადირაშვილმა ჟურნალისტებს განუცხადა.
ნადირაშვილი ადასტურებს, რომ ხვალ, ფრაქციის სხდომაზე ნიკა მელიას თავმჯდომარეობიდან გადაყენების საკითხი განიხილება.
„ნიკა მელია არის ადამიანი, რომელიც ხშირად იცვლის პოზიციებს. მან ვერ გაუძლო ვერც ერთ კრიტიკულ ვითარებას. მას მერე, რაც ის მიეკედლა მეორე გუნდს, ვითარება და ურთიერთობები უკიდურესად დაეძაბა ამ ორ ჯგუფს და დაძაბულობამ პიკს მიაღწია. შესაბამისად, ალბათ არავისთვის უნდა იყოს გასაკვირი, რომ ადამიანების უმრავლესობა ამ ფრაქციაში ფიქრობდეს, რომ ასეთი ლიდერი არ სჭირდებათ. ხვალ არის ეს სხდომა დანიშნული, გადაწყვეტილებას ფრაქციის წევრები მიიღებენ კენჭისყრით და ხმათა უმრავლესობით“, – განაცხადა ირმა ნადირაშვილმა.
შეგახსენებთ, რომ ”ნაციონალური მოძრაობის” წევრ ზაზა ბიბილაშვილის ინფორმაციით, ე.წ. ბოკერია-უგულავას გუნდის წევრები ფრაქცია ”ნაციონალური მოძრაობის” თავმჯდომარეობიდან ნიკა მელიას გადაყენებას გეგმავენ.
„ნიკა მელია არის ადამიანი, რომელიც ხშირად იცვლის პოზიციებს”
