სამი ადამიანის სიცოცხლე ემსხვერპლა გარდაბნის მუნიციპალიტეტში სოფელ კუმისთან მომხდარ ავტოსაგზაო შემთხვევას, ხოლო ერთი დაშავდა და მისი ჯანმრთელობის მდგომარეობა მძიმეა.
ადგილობრივების ინფორმაციით, „ბმვ“-ს მარკის ავტომობილი ამობრუნდა.
როგორც „მეტრონომს“ შსს-ს პრეს-სამსახურში განუცხადეს, მომხდარზე გამოძიება სისხლის სამართლის კოდექსის 276-ე მუხლის მეშვიდე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც 2 ან მეტი ადამიანის გარდაცვალება გამოიწვია.