fbpx
ახალი ამბები კრიმინალი მთავარი

დაკავებულია ჯგუფი: ვინ გეგმავდა ბიზნესმენის დაყაჩაღებას

შინაგან საქმეთა სამინისტროს ქვემო ქართლის პოლიციის დეპარტამენტის მარნეულის რაიონული სამმართველოს და რუსთავის საქალაქო სამმართველოს თანამშრომლებმა, ოპერატიული ინფორმაციის საფუძველზე ჩატარებული სამძებრო-საგამოძიებო ღონისძიებების შედეგად, წარსულში მრავალჯერ ნასამართლევი სამი პირი – 1983 წელს დაბადებული ვ.კ., 1982 წელს დაბადებული ჯ.ბ. და 1972 წელს დაბადებული გ.მ. ცეცხლსასროლი იარაღის უკანონო შეძენა-შენახვის და ტარების ბრალდებით დააკავეს.

ერთ-ერთი დაკავებულის ჩვენების მიხედვით, ბრალდებულები მარნეულში მცხოვრები ბიზნესმენის დაყაჩაღებას გეგმავდნენ, რაც პოლიციის ოპერატიული ჩარევის შედეგად ვერ განახორციელეს.

სამართალდამცველებმა ბრალდებულები მარნეულში იმ დროს დააკავეს, როდესაც ისინი „მერსედესის“ მარკის ტაქსით გადაადგილდებოდნენ. პოლიციამ დაკავებულების პირადი ჩხრეკისას კალაშნიკოვის სისტემის ავტომატური ცეცხლსასროლი იარაღი მჭიდითა და 30 საბრძოლო ვაზნით, გადაჭრილი შაშხანა და გადაჭრილი თოფი, ხოლო აღნიშნული ავტომობილის ჩხრეკისას – ნიღბები, ხელთათმანები და წებოვანი ლენტი ნივთმტკიცებად ამოიღო.

გამოძიება ცეცხლსასროლი იარაღის არაერთგზის მართლსაწინააღმდეგო შეძენა-შენახვისა და ტარების ფაქტზე მიმდინარეობს (საქართველოს სსკ-ს 236-ე მუხლის მე-2 და მე-3 ნაწილებით).

 

სხვა ამბები

სახელმწიფომ უნდა შეძლოს გაკონტროლება, რომ ვინმემ მოქალაქეს ზედმეტი მუშაობა არ აიძულოს – ცქიტიშვილი

newsadmin

21 სექტემბრის ლარის კურსი ცნობილია

newsadmin

ასეთი დაჩაივებული და დამუნჯებული, უხერხემლო და უუნარო არასოდეს ვყოფილვართ – ხიდაშელი

newsadmin

იუსტიციის სამინისტრო რამზან ახიადოვის შესახებ ინფორმაციას ავრცელებს

newsadmin

“მავნებელი ქოცები მოქალაქეებს უზღუდავენ მეორე სამსახურში მუშაობას”

newsadmin

ახალი კანონპროექტი მოქალაქეს, ერთზე მეტ სამსახურში მუშაობას უზღუდავს

newsadmin
იტვირთბა....