ბრიტანული გამოცემა telegraph-ი სტატიას და შესაბამის ფოტოს აქვეყნებს, სადაც ამერიკელებს, რომლებსაც ტრამპის პრეზიდენტობის დროს ქვეყანაში ცხოვრება არ სურთ, საცხოვრებლად ალტერნატიულ ადგილებს სთავაზობს. ამ სიაში ერთ-ერთი საქართველოა, კერძოდ კახეთი.
კალიფორნიელებს სტატიის ავტორი, საქართველოში გადასვლას ურჩევს:
“ჯორჯია შტატი არაა, საქართველოა, სადაც სიხარულით მიგიღებენ. ეს ახალი კალიფორნიაა, სადაც თავისი კერძები აქვთ და მევენახეობას მისდევენ. იცოდით, რომ საქართველოში ღვინოს 8 000 წელია რაც ამზადებენ?”
ტელეგრაფი ნიუ-იორკში მცხოვრებლებს ლონდონში გადასვლას ურჩევს;
სიეტლის მოქალაქეებს – ვიენაში;
ლას-ვეგასელებს – მაკაოში;
პალო-ალტოელებს – სტოკჰოლმში;
ვაშინგტონელებს – ბრიუსელში;
ან-ფრანცისკოელებს – სიდნეიში;
ბოსტონელებს – დუბლინში;
ჩიკაგოელებს – მანჩესტერში;
სენტ-ლუისელებს – ბუენოს-აირესში და ა.შ.
შეგახსენებთ, აშშ-ის 45-ე პრეზიდენტი დონალდ ტრამპი გახდა. აშშ-ის ვიცე-პრეზიდენტის თანამდებობას კი ინდიანას შტატის გუბერნატორი მაიკლ პენსი დაიკავებს. აშშ-ის ახალი პრეზიდენტის ინაუგურაცია 2017 წლის 20 იანვარს გაიმართება. დონალდ ტრამპი თეთრ სახლში ბარაკ ობამას შეცვლის, რომელიც აშშ-ის პრეზიდენტის თანამდებობას ორი ვადის განმავლობაში, 2008 წლიდან იკავებს.