ბათუმში, გუშინ, გვიან ღამით, გრიბოედოვის ქუჩაზე ელქტროენერგიის გამორთვის შემდეგ რამდენიმე მაღაზია დააყაჩაღეს.
როგორც „მეტრონომს“ შინაგან საქმეთა სამინისტროში განუცხადეს, აღნიშნულ ფაქტზე გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს.
გავრცელებული ინფორმაციით, დაყაჩაღებულ მაღაზიებს შორისაა „ნიკორა“, თუმცა შინაგან საქმეთა სამინისტროში არ აკონკრეტებენ რაოდენობას და კონკრეტულ მაღაზიებს. მათი ინფორმაციით, დადგენილია დამნაშავის ვინაობა და მიმდინარეობს სამძებრო სამუშაოები.