ყვარელში, სოფელ შილდას ტყესთან მესაზღვრეებმა 26 წლის ალექსი პეტრუზაშვილის ცხედარი ნახეს.
შემთხვევის ადგილზე ექსპერტ-კრიმინალისტები მივიდნენ. როგორც გამგებლის წარმომადგენელი, ლევან ხუციშვილი აცხადებს, ახალგაზრდამ სავარაუდოდ, თავი მოიკლა:
“ლექსო ტყეში ნახეს, ხეზე იყო ჩამოკიდებული, პოლიცია შემთხვევის ადგილზე უკვე იყო. არ ვიცი, რატომ უნდა მოეკლა თავი. საქონელს მწყემსავდა წლების განმავლობაში. დანარჩენს გამოძიება დაადგენს”, – განაცხადა ხუციშვილმა.
შსს ინფორმაციით, ფაქტზე გამოძიება 115-ე, თვითმკვლელობამდე მიყვანის მუხლით დაიწყო.