შინაგან საქმეთა მინისტრის ბრძანებით, 8 ოქტომბრის არჩევნებთან დაკავშირებით სპეციალური საპოლიციო პასუხისმგებელი ჯგუფები შეიქმნება, რომლებიც თითოეულ რეგიონში უსაფრთხოებას უზრუნველყოფენ.
როგორც შსს-ს განცხადებაშია აღნიშნული, ჯგუფები თავიანთ სამოქმედო ტერიტორიებზე უზრუნველყოფენ: მოსალოდნელი საფრთხეების, მათი გამომწვევი მიზეზებისა და რისკების მუდმივ შეფასებას და შესაბამისი ღონისძიებების დაგეგმვას; არჩევნების დღეს, საარჩევნო უბნის მიმდებარე ტერიტორიაზე პოლიციელთა შესაძლო გამოცხადების მიზნით, უსაფრთხოების გეგმის შემუშავებასა და არჩევნების პერიოდში გამოვლენილ სამართალდარღვევებზე დროული და ეფექტიანი რეაგირების ორგანიზებას.
შს მინისტრის სპეციალური ბრძანება ძალაში უკვე შევიდა.