პარლამენტის პლენარული სხდომა კვორუმის პრობლემის გამო კვლავ ვერ იხსნება.
მერვე მოწვევის პარლამენტი, რომლის სესია 13.00 საათისთვის იყო ჩანიშნული, ბოლოჯერ შეკრებას ვერ ახერხებს. ამ დროისთვის პარლამენტში სულ 14 დეპუტატია, მათ შორის „რესპუბლიკური პარტიის“ წარმომადგენლები.
პლენარული სხდომის გამართვის შემთხვევაში, პარლამენტი უზენაესი სასამართლოს მოსამართლის თანამდებობაზე პრეზიდენტის მიერ წარდგენილ კანდიდატებს – ლევან ბოძაშვილს, ნონა თოდუასა და თამარ ლალიაშვილს უყრის კენჭს.