ახალი ზელანდიის სანაპიროსთან ძლიერი მიწისძვრა მოხდა. მიწისქვეშა ბიძგების სიმძლავრემ 7.1 მაგნიტუდა შეადგინა.
აღნიშნულ ინფორმაციას Independent-ი ამერიკის შეერთებული შტატების გეოლოგიური სამსახურის ინფორმაციაზე დაყრდნობით ავრცელებს.
მიწისძვრის ეპიცენტრი ჩრდილოეთ კუნძულზე მდებარე ქალაქ გიზბორნიდან 169 კილომეტრში იყო.
მსხვერპლის შესახებ ინფორმაცია ჯერჯერობით არ ვრცელდება, თუმცა მიწისძვრას კანადისა და აშშ-ს სანაპიროებთან ცუნამის საშიშროება არ გამოუწვევია.