საქართველოსთვის ვიზალიბერალიზაციის მინიჭების საკითხზე კენჭისყრა ევროპარლამენტის მართლმსაჯულებისა და სამოქალაქო საკითხების კომიტეტში 5 სექტემბერს გაიმართება, – ინფორმაციას „მოამბე“ ექსკლუზიურად, ევროპარლამენტარებსა და ლიბეს კომიტეტის თავმჯდომარეზე დაყრდნობით ავრცელებს.
ლიბეს კომიტეტის თავმჯდომარე კლაუდე მოარესი საქართველოს საზოგადოებრივ მაუწყებელთან საუბრისას აცხადებს, რომ ანგარიშს, რომლის ავტორიც მარია გაბრიელაა, კენჭისყრაზე მომავალ კვირას გაიტანენ. მისივე თქმით, კენჭისყრის შედეგებთან დაკავშირებით წინასწარ არაფრის თქმა შეუძლია, თუმცა პოზიტიური მოლოდინი აქვს.
კომიტეტში კენჭისყრის შემდეგ, საქართველოსთვის უვიზო რეჟიმის მინიჭებისთვის საკითხის ევროპარლამენტში პლენარულ სხდომაზე გატანაა საჭირო, რომელიც, წინასწარი ინფორმაციით, ოქტომბერში, სასესიო კვირას იგეგმება.
ლიბეს კომიტეტამდე, საკითხზე კენჭისყრა საგარეო ურთიერთობა კომიტეტმა გამართა. კომიტეტის წევრებმა უვიზო რეჟიმის მინიჭებას მხარი დაუჭირეს.
დღის რეიტინგული სტატიები:
- ზუგდიდში ახალგაზრდა მამაკაცი მოკლეს
- ბათუმში ზღვამ მამაკაცის ცხედარი გამორიყა
- ზუგდიდში ახალგაზრდა მამაკაცი მოკლეს
- საზარელი ავარია თამარაშვილის ქუჩაზე (ვიდეო)
- გაქცეული პატიმარი ოთარ ვარამაშვილია: ფოტოზე აღბეჭდილი პირის ნახვისას ცხელ ხაზზე დარეკეთ
- რუსთავში სპეცრაზმია მობილიზებული: სასამართლოდან გაქცეულ პატიმარს ეძებენ (ვიდეო)