თავდაცვის ყოფილი მინისტრი, თინა ხიდაშელი სოცაილურ ქსელში წერს:
„არც კი ვიცი ამას რა ქვია.
ეს კაცი საკონსტიტუციოს მოსამართლეა.
თბილისშია და ძაღლებს ასეირნებს.
ზუსტად ამ წუთებში მას მანტია უნდა ეცვას და ბათუმში სხდომაზე იყოს.
ჟურნალისტს ამცნობს — სასამართლო ოფიციალურად გეტყვით მე ძაღლების სეირნობა რატომ ვარჩიე სასამართლოში მანტიის ჩაცმას და საქმის კეთებასო 🙁
საგიჟეთია აბა რა არის :((( გასაოცარი საგიჟეთი „
ცნობისთვის, საკონსტიტუციო სასამართლოში ე.წ. კაბელებისა და გიგი უგულავას საქმეების განხილვა გადაიდო. ამის შესახებ ინფორმაციას საკონსტიტუციო სასამართლო ავრცელებს:
”დღეს, დაგეგმილი N740 და N764 გაერთიანებული კონსტიტუციური სარჩელების (მოსარჩელეები – გიორგი უგულავა, ნუგზარ კაიშაური,დავით წიფურია, გიზო ღლონტი, გიორგი ლობჟანიძე, არჩილ ალავიძე; მოპასუხე – საქართველოს პარლამენტი) არსებითი განხილვა არ შედგება. მხარეებს დამატებით ეცნობებათ არსებითი განხილვის თარიღის შესახებ”, – ნათქვამია საკონსტიტუციო სასამართლოს განცხადებაში.
აღნიშნული საქმეების განხილვა უკვე არაერთხელ გადაიდო. განხილვა დღეს 15:00 საათზე იყო ჩანიშნული.