თალიბებმა ავღანეთში მძევლები გაათავისუფლეს. Reuters ინფორმაციით, პაკისტანის 5 და რუსეთის ერთი მოქალაქე მებრძოლებმა მძევლად აგვისტოს დასაწყისში, ლოგარის პროვინციაში აიყვანეს. ისინი იმ ვერტმფრენის ბორტზე იმყოფებოდნენ, რომელიც რეგიონში ტექნიკური ხარვეზის გამო ავარიულად დაეშვა.
გავრცელებული ცნობით, გათავისუფლებული ეკიპაჟი ისლამაბადში უსაფრთხოდ ჩაიყვანეს.
ვერტმფრენი პაკისტანის პროვინცია პენჯაბის ადმინისტრაციას ეკუთვნოდა და ის პეშავარიდან რუსეთში მიფრინავდა.