საკუთარი სახლის მარანში 70 წლის ქალის ცხედარი იპოვეს, – შემთხვევა ყვარლის რაიონის სოფელ შაქრიანში მოხდა.
როგორც მეზობლები აცხადებენ, მოხუცი მარტო ცხოვრობდა და ცხედარს დაზიანებები აღენიშნება:
“რამდენიმე დღე რომ აღარ გამოჩნდა, მეზობლებმა ძებნა დავუწყეთ. დღეს დილით ქვევრში გარდაცვლილი ვიპოვეთ. სავარაუდოდ მოკლლულია, რადგან სხეულზე მრავლობითი დაზიანებები აღენიშნებოდა”, – აცხადებენ გარდაცვლილის მეზობლები.
მომხდართან დაკავშირებით აღძრულია სისხლის სამართლის საქმე. მოკვლევას კახეთის პოლიციის სამმართველო აწარმოებს.