კალიფორნიაში უკვე მესამე დღეა ტყის ხანძარს ვერ აქრობენ. სტიქიამ 5 ათასამდე ჰექტარის ფართობი მოიცვა და ქალაქ სანტა-კლარიტას მიუახლოვდა. საფრთხის გამო სამასზე მეტ ოჯახს საკუთარი სახლების დატოვება მოუხდა.
სტიქიის ზონაში სამაშველო ოპერაცია უწყვეტ რეჟიმში მიმდინარეობს, მასში ავიაციაცაა ჩართული, თუმცა ხანძრის ლოკალიზება ამ დრომდე ვერ ხერხდება. ცეცხლის გავრცელებას ძლიერი სიცხე და ქარი უწყობს ხელს.