aviabiletebi
ახალი ამბები მთავარი საზოგადოება

თამარაშვილის ქუჩა გადაიკეტება

aviabiletebi
ავიაბილეთები

 

თბილისის მერიის ინფორმაციით, 3 ივლისს, 07:00-დან 14:00-მდე, უნივერსიტეტის ქუჩის კუთხიდან „ვისოლის“ ბენზინგასამართ სადგურამდე თამარაშვილის ქუჩა დაიკეტება.

“შეიცვლება მუნიციპალური ტრანსპორტის მოძრაობის მარშრუტი. ვაკიდან მეტრო “დელისისკენ“ მიმავალი სატრანსპორტო საშუალებები თამარაშვილის ქუჩიდან ჭაბუა ამირეჯიბის გზატკეცილზე გადაუხვევენ, ხიდზე მობრუნდებიან, ცინცაძისა და კარტოზიას ქუჩების გავლით ვაჟა-ფშაველას გამზირზე გავლენ და გზას დადგენილი მარშრუტით გააგრძელებენ“. – ნათქვამია მერიის განცხადებაში.

მერიის ინფორმაციით, მეტრო “დელისიდან“ ვაკის მიმართულებით მოძრაობისას, საზოგადოებრივი ტრანსპორტი თამარაშვილის ქუჩიდან ქაქუცა ჩოლოყაშვილის გზატკეცილზე ჩავა, შემდეგ ჭაბუა ამირეჯიბის გზატკეცილისა და გურამ ავალიშვილის ქუჩების გავლით ჭავჭავაძის გამზირზე მოხვდება და ვაკის პარკთან მობრუნდება.

“განსხვავებული მარშრუტი ექნება N140 ავტობუსს – ქავთარაძის ქუჩიდან, ყაზბეგის გამზირის, პეკინისა და კოსტავას ქუჩების გავლით გადაადგილდება ვარაზისხევისკენ, მელიქიშვილის გამზირიდან კი გზას ჩვეული მარშრუტით განაგრძობს“. – აცხადებენ მერიაში.

იტვირთბა....