წვიმიანი და არამდგრადი ამინდი საქართველოში მომდევნო დღეების განმავლობაშიც შენარჩუნდება.
დღეს და ხვალ საქართველოს ზოგიერთ რაიონში შესაძლოა ძლიერი წვიმა, სეტყვა და ელჭექი.
ტემპერატურა :
ხვალ დასავლეთ საქართველოს დაბლობში დღისით +18 + 23 გრადუსი იქნება, მთაში +16 +21, მაღალ მთაში +13 +18 გრადუსი. აღმოსავლეთ საქართველოს ბარში ხვალ +18 +23 , მთაში +16 +21, მაღალ მთაში +12 +17 გრადუსია ნავარაუდევი.
ამინდი:
თბილისში ხვალ უმეტესად ღრუბლიანი ამინდი და წვიმა არის მოსალოდნელი. ჰაერის ტემპერტურა ღამით +14 დღისით +22 გრადუსი იქნება.
12 ივნისს დასავლეთში უნალექო ამინდია ნავარაუდევი, აღმოსავლეთ საქართველოშიც ტემპერატურის მატებაა მოსალოდნელი, თუმცა საღამოსა და ღამის საათებში ზოგან წვიმაა ნავარაუდევი.
სინოპტიკოსების პროგნოზით, საქართველოს მასშტაბით 13,14 და 15 ივნისს გამოიდარებს.