“რუსთავი 2”-ის საქმის დღევანდელი სხდომა სააპელაციო სასამართლოში რამდენიმე წუთის წინ დასრულდა. ამ დროისთვის კოლეგიას საკუთარი არგუმენტები “რუსთავი 2”-ის, ძმები ყარამანიშვილებისა და “ტვ საქართველოს” წარმომადგენლებმა უკვე გააცნეს.
რამდენიმე წუთის წინ გახდა ცნობილი, რომ “რუსთავი 2”-ის საქმის განხილვას სააპელაციო სასამართლო გააგრძელებს 3 ივნისს 14:00 საათზე. პროცესი გაგრძელდება ქიბარ ხალვაშის ადვოკატის სააპელაციო პოზიციის მოსმენით.
შეგახსენებთ, სამაუწყებლო კომპანია “რუსთავი 2” სააპელაციო სასამართლოში ასაჩივრებს თბილისის საქალაქო სასამართლოს მოსამართლის თამაზ ურთმელიძის გადაწყვეტილებას, რომლითაც მან “რუსთავი 2”-ის წილის 100% ქიბარ ხალვაშს მიაკუთვნა.