სომხეთში ქვეყნის ფინანსთა ყოფილი მინისტრი და სახელმწიფო შემოსავლების კომიტეტის ყოფილი თავმჯდომარე, გაგიკ ხაჩატრიანი ქრთამის აღებისა და ფულის გათეთრების ბრალდებით დააკავეს. ანტიკორუფციულმა სასამართლომ მას 2-თვიანი წინასწარი პატიმრობა შეუფარდა.
სომხეთის საგამოძიებო კომიტეტის განცხადებით, საგამოძიებო და საპროცესო მოქმედებები ხაჩატრიანისა და მისი შვილის სახლებში, ასევე მათთან აფილირებული 21 კომპანიის ოფისებსა და ფილიალებში ჩატარდა.
ხაჩატრიანი 1-ელ სექტემბერს დააკავეს.
გაგიკ ხაჩატრიანი სომხეთის ფინანსთა მინისტრი 2014-დან 2016 წლამდე იყო – სომხეთის სახელმწიფო შემოსავლების კომიტეტს კი 2008-დან 2014 წლამდე ხელმძღვანელობდა.